وصفتين هيخلوا شعرك زي الهنود وتحدي

وصفتين ستجعل شعرك مثل الهنود وتحدي

السلام عليكُم ورحمة الله وبركاته

.بنات انا قريت موضوع تحفه وقلت
اجيبه لحبيباتي ونعمله كلنا ونجدد
شعرنا ونرجع له الحيويه من جديد
.
.
عزيزاتي هذه طريقتي الشخصيه في العنايه بشعري وطريقة تحوله من خشن مجعد إلى ناعم سايح , أولاً بقولكم أني من يوم كنت صغيره كانت أمي تصبغ شعري دوووم حتى أصبح تالف وناشف ومنفوش ومجعد وهو أصلاً مايبي زود خلقه كان مجعد ومعلول المهم كبرت وكبر اهتمامي بمظهري .......... أهتميت بشعري ورحت لكل العيادات المُختصه بالعنايه بالشعر وقابلت الأخصائيه وقلت لها "أبي شعري ينعم" تدروووون شنو ردت علي هه قالت بالحرف الواحد " حبيبتي شعرك ماله علاج " تقول مممم ممكن نخفف من خشونته شوي بس ما راح يتغير >>>>>> بنت اللذينا لو تشوف شعري اللحين قدمت استقالتها للمركز , المُهم أنا فعلياً ما أصابني إحباط إلا مؤقت كنت أعرف أن لكل داء دواء وأن اسرار الكون غير مكشوفه وكان عندي أحساس أن يوم بالأيام شعري بيصير مثل ما أحب , بعد مايئست من العيادات والطب قررت إني ألجئ لأسرار الحريم >>>>>> وما أحلاها
ومر على هالكلام يمكن أربع سنوات وأنا على نفس الوضع والحال كنت مرات أطنش ومرات أدور وأجرب والنتايج كلها سلبيه وما فادني شيء يذكر ,
.وصفات كليوباترا
.
وقبل ثلاثة أشهر بالضبط (حصلت المطلوب وأكتفيت) >>>>>>> هيه يا حريم بالله أذكرو الله ترى العين حق وترى اللي تعطي عين تُعتبر من الحساد والأهم أنها تأثم وحسناتها كلها تروح وتكون يوم القيامه من الخاسرين .^
قبل ثلاثة أشهر حصلت خلطه وأستنتجت خلطه ثانيه والثنتين هذيلا كان لهم مفعول معالج الكيراتين-لكن الكيراتين تدفعين فيه ألوووف وهاذا مجاناً بالإظافه أن هذا يدوم للأبد والكيراتين أربع شهوور بالكثير ويرد شعرك مثل أول ...
طيب الآن نجي للخلطة الأولى معروفه والكل يعرفها مثلي قبل أجربها >>> لاحظو شيء مهم أنا بقولكم النتايج بكل أمانه وأخلاص على كل الخلطتين ....... وطريقة أستخدامي لها
الخلطه الأولى خلطة الزبادي :
مقاديرها أربع سهله وموجوده بكل بقاله
- زبادي
-مايونيز
-زبده مذوبه
-عسل
* تخلطين المقادير مع بعضها حتى يكون قوامها كريمي
* الكميه على حسب كثافة وطول شعرك - وأما كميتها على شعرك أنا أغرق شعري فيها أكثرها وألف شعري بكيس هذا حق الساندويش وألبس طاقيه شتويه وألف راسي بشال من الأطراف حتى ماتسيح الخلطه أحطها على شعري وأنام فيها .
وصفات كليوباترا الخلطه الثانيه من استنتاجي ونتايجها أحلى من الأولى
المقادير :
- حنا
-سمسم محموس ومطحون
-أملج مطحون
-زيت "أنا استخدم زيت النارجيل الأخضر او اى زيت يناسبك
- ماء دافي
وطبعاً تخلط في الخلاط وقوامها لابد يكون كريمي .
برضو الكميه حسب طول شعرك وكثافته
ونفس طريقة الخلطه الأولى ...
الآن بقولكم النتايج :
خلطة الزبادي مفعولها مذهل وتأثيرها ع الشعر ترطبه وتعطيه لمعه خيااااليه وتبعد عنه الخشونه وتغذيه بشكل مُذهل >>>>> طبعاً مع الأستمرار
- ومن ناحية متى تظهر النتيجه ومرضيه يمكن من ثالث مره أو رابع مره
وصفات كليوباترا نتايج الخلطه الثانيه خلطة الأملج المذهله
تزيل كل الطعجات اللي بالشعر وتكثر الشعر بقوووووه وتطوله بسرررعه وتعطيه مظهر شعور الهنديات >>>> كلامي والله خالي من المُبالغه أي وحده تجربه تقول للبقيه ...
والأهمممممممممممممممم الأهم ثم الأهم تتبعين هذه الخطوات وغير كذا أنسي كلامي كله
- تحطين اليوم خلطة الزبادي
-تصحين من النوم تغسلين شعرك بشامبو (اللي يناسبك)
- إذا كان شعرك جاااف مره حطي زيت أو كريم للترطيب ضروري وإذا لا مايحتاج
-اليوووووم عندك إجازه اتركي شعرك يرتاح
-اليوم الثالث من بداية البرنامج تستخدمين خلطة الأملج >>>>> خلطة الأملج بسبب الزيت ماتجفف الشعر ولو أنها بدون زيت راح تجفف لك شعرك لأن الحنا يجفف الشعر "لذا ضروري الزيت في الخلطه
-نفس الشي اليوم الثاني إذا كان شعرك جاف حطي زيت أو كريم وإذا لا مايحتاج
(ملاحظه لازم تتركين شعرك يوم يرتاح فيه من الزيوت والخلطات)
-ثم اليوم الثالث ارجعي لخلطة الزبادي
وكرري الخطوات ..

وصدقيني راح تلاحظين النتيجه من أول مره بس يعني شي بسيط - لكن الأهم والأروع هو يوم تشوفين شعرك سايح بعد ثلاثة شهور وإذا حافظتي عليه جد وماتركتي البرنامج ولا مره يمكن في شهرين يبهرك .
.
.
.
وطبعاً كل وحده أدرى بنوع شعرها يمكن فيه شعور تحتاج فتره أطول وفيه اللي ماتحتاج إلا لفتره أقل .
.
.
.
قال صلى الله عليه وسلم ( خير الناس أنفعهم للناس )

منقوووووووووووووووول