بيبي وعباس بن فرناس(الموسم الاول)

في أحد القرى البسيطة في الأندلس.. ولد ابن فرناس في نهاية القرن الثاني الهجري..


وكانت الأندلس آن ذاك منارة للعلم والعلماء.. فنشأ ابن فرناس على العلم وتعلم القرآن




منذ صغره في كتاتيب الأندلس وعاش حياة عليمة عزيرة...





ومن حسن حظه بأن الله تعالى وهبه أختا ذكية بفطرتها محبةً للعلم والتعلم وكان اسمها




بيبي..


في أحد أيام صيف الأندلس الحارة وبينما كان عباس جالسا في مخبرة في منزله دخلت




عليه أخته بيبي ودار بينهم الوار التالي..


بيبي: أشوفك من فترة يا عباس مشغول تجويس وتشبر..على هيش ناوي؟


عباس: والله يا بيبي انيه افكر في شي.. اذا نجح بشري لك قوطي بارد..


بيبي: الله قوطي بارد.. يالله ارجوك قوليه هيش تبا تسوي؟


عباس: تشوفين هالاجسام بو من هين زمانيه قاعد اشوبر واجيس فيهن ما بقيت لا ضغط




ولا شي ما حسبته.. أني افكر انيه اطير..




بيبي مندهشة: تتطير؟.. وابويه خرف اخويه.. وااغمك يا سلوم الحافي..


عباس: وحال هيش وابوك!! بطير وبتشوفين بعد.. يمع يمع..


بيبي: زين.. بركه..اذا تبانيه اساعدك في الخدمه تراه..


عاس: لا مابا شي ألحين طلعي برع خلينيه اركز..


وقضى عباس ليالي من البحث والدراسه ..


وفي أحد الأيام..


عباس: بيبيييييييييييييييي.. بيبييييييييييييييي


جاءت إليه بيبي من المطبخ وهي تحمل الملاس :خير علامك كذيه يالس تنوهم




كنيه يالسه ف عمان ترانيه اسمعك..


عباس: خفي عنك الهذره.. تعالي..


بيبي وهي تدخل المخبر: خير؟.. بسرعه العيش بيحترق فوق الطباخه..وبتنازعنيه




اميه..




عباس: خلي عنك العيش ألحين..اباك تخيطين حاليه ينحان..




بيبي وهي فاكه عيونها اربع اربع: ينحان؟ خير؟ شكلك من السهر بديت تخرف..


عباس غصب: بيبي اب ترفعين ليه ضغطيه..




بيبي: اووف.. انزين يعني عزمت تطير؟


عباس: باكر من كل بد.. انا عباس بن فرناس وشكلين ما بحكي..


بيبي: هه تحسب عمرك ابو شهاب.. زين الظهر بخيط لك الينحان..


عباس: زين طفري ألحين..


بيبي: هااه.. ترانيه ام خايطلك شي..


عباس: زين بس عفوك مولاي..


في الوقت الذي بيبي كانت تطبخ الغداء.. ذهب عباس إلى السوق واشترى كومة




ريش وشقق من الحرير الأبيض لمتانته وتحمله وزن جسم عباس..




وعاد إلى المنزل وسلم الريش والحرير إلى بيبي.. التي اخبرت أمها بنوايا عباس


ونازعته أمه.. ولكنه لا يرده شيء لأنه قرر وانتهى..


وانتهت بيبي من خياطه الجناحين لعباس وأعطته أياهما..




بيبي: عباس.. اندوك ينحانك..


عباس: مشكوره الاخت ما تقصرين..


بيبي: لا تنسى البارد.. اول ما تنزل من السما خطف الدكان شري البارد ورجع


البيت بسرعه..




هيش بيستوي بعباس؟ هل بينجح في الطيران..

الاجابه كلكم تعرفونها.. بس مع عهدوه.. الاحداث غير..

انتظروا الموسم الثاني..

ما بطول عليكم..



مع التحية::

حيث يوجد عهد الاصدقاء:: يوجد الإبداع